
08:50 ص
السبت 27 فبراير 2021
مديرة اكاديمية الانامل المبدعة: فخورة انى ساعدت ناس كتيرة ما كانت عارفة تبدا من وين
اكاديمية الانامل المبدعة للاعمال اليدوية, هى مبادرة ومشروع يجمع ما بين القدرة على ابتكار حلول لمشكلة البطالة على المستوى الفردى وعلى مستوى المجتمع كمان. فكرة شيماء مؤسسة اكاديمية انامل كانت انها ما بس ممكن تعمل مشروع ناجح وتشغل نفسها , لكن كمان ممكن تساعد ناس تانيين خاصة فئة النساء والشباب فى انهم يشتغلو. وقدرت فى ظروف صعبة وبمساعدة من والدتها انها تكون مؤسسة اتخرج منها ما لايقل عن الف من المتدربين على مهن صغيرة مدرة للدخل. واعية التقت بشيماء عشان تكلمنا عن مشروعها والتحديات الواجهتها واحلامها فى تنمية مشروعها. شيماء و اكاديمية الانامل المبدعة هى مثال على قدرة شخص واحد على صناعة التغيير نحو الافضل فى حياته وحياة الاخرين.
اكاديمية انامل: خرجت اكثر من الف من المتدربين على مشاريع مدرة للدخل
اسمى شيماء محمد الفاتح عبدالله الجيلى /سودانية من الجزيرة اسلانج اتولدت فى الخرطوم من مواليد1987
درست الأساس فى مدرسة الإصلاح بالحلةالجديدة/ الثانوى تنقلت بين عدة مدارس وهى مدرسة الحميراء الثانوية بنات ثم مدرسا العباسى الخاصة بنات ثم مدرسة الجديدة النموذجية للبنات / وأخيرا الجامعة جامعة الاحفاد للبنات مدرست العلوم الإدارية وتخصصت اداراة اعمال وتخرجت بتقدير جيد فى إدارة الأعمال بمرتبة الشرف . الأسرة أسرة متعلمة الوالد والوالدة درسو القانون بجامعة القاهرة فرع القاهرة"أبى محامى وامى ربة منزل جزاها الله خيرا ضحت بحبها للقانون وتفرغت لترييتنا انا واخوتى/انا ترتيبى البنت الكبيرة ثم أخى م.مصعب ثم أختى د.عبير ثم أخى الصغير محمود يدرس إدارة اعمال فى جامعة كررى.
مشروعى اكاديمية الانامل المبدعة للاعمال اليدوية اتاسس يوم 25/12/2013 وانا اعمل كمديرة ومدربة فىهو. وبنقدم كورسات تدريبية خاصة بالأعمال اليدوية.نجاح المشروع هو نعمة من نعم الله التى انعمنى بهاحمدلله رب العالمين ربنا وفقنى بنجاح المشروع وامى كمان ليها دور كببييير ساندتنى وشجعتنى ووقفت معاى. حلمى مازال ان يتطور المشروع ويكون عندنا فروع فى معظم ولايات السودان.
طبعا فى فكرة المشروع لقيت رفض شديييبد من الأسرة لانو كان فيها مخاطرة مالية لكن الحمد لله ربنا وفقنى وقدرت اقنعم بعد دعواتى لى ربنا والحمدلله ربنا اكرمنى فى إنشاء الاكاديمية،لانو انا كنت مومنة بالمشروع وأهداف الوضعتها وتصورى للحاضر والمستقبل وانو المشروع حيخدم كل الحيدرسو معانا وحيساعد فى الاستفادة فى زيادة الدخل لكل الشرائح خاصة الشريحة البسيطة
بالنسبة للدعم اسرتى وقفت معاى ماديا وانا اقترضت مبلغ كبير بضمان شيكات على نفسى ودى اكتر حاجة كان مخوفانى واتجاوزت خوفى بعد ما انتهيت من تسديد المبلغ المدونه بيهو الحمد لله كانت ايام صعبة شديييبد. الساعدونى أمى وابوى واستاذتى المصممة مها محجوب ليها التحية والاحترام وقفت معاى وقفة معنوية فى بداية المشروع. اهم واكتر الصعوبات كانت مادية"وما زالت" وقلة الإمكانيات وعدم توفر الأساتذة و مشكلة الإعلان وصعوبة الوصول إلى الناس. الحمد لله رب العالمين اكاديمية الانامل المبدعة للاعمال اليدوية أصبحت الان معروفة لدى كثير من الناس محليا وفى بعض من دول الخارج. واتمنى التوسع فى المستقبل واقدر أصل لأى قرية او ناس محتاجين يتعلمو من الكورسات ويستفيدو.
وانا بحرص انو تعاملى مع صديقاتى دليما يكون تعامل يحمل كل الحب والتواصل'وتعاملى مع الأساتذة الزبائن فى الاكاديمية تعامل راقى وجميل وانا فى بمثابة الابنة لمن هم أكبر سنا منى وفى مثابة الأخت لمن هم فى جيلى من هولاء وحتى دارساتى البدرسم.
من خلال مسيرتى وتجربتى الى الان اكتر حاجة اتعلمتها من رحلة حياتى العملية التوكل على الله والصبر أثناء الشدائد , واتعملت برضو انو مع العسر يسرا.
نصيحتى لكل الشباب أنهم ما يكونو مكتوفى اليدين فى انتظار الوظيفة وعدم اليأس وأى شخص ممكن يبداء مشروع بالحاجة ألهو بفهم فيها ويقدر يبدع فيها
فخورة بأنى قدرت اساعد ناس كتيييرة فى حياتها ما كانت عارفة من أين تبداء وقدرت تحقق فى فترة بسيطة"خلال فترة الكورس"عائد مادى او الاكتفاء الذاتى وفخورة شديد بأنى أول شخص يدخل كورسات تصنيع الاجبان فى مراكز الأعمال اليدوية (الجبنة المضفرة والموزريلا والجبنة البيضاء الآيسكريم.
مكان الاكاديمية فى الخرطوم السجانة شارع جنوب المولد
الكورسات التي تقدمها اكاديمية الانامل المبدعة هى:-
1 الشك بالطريقة الباكستانية والهندية
*الطباعة بالبوهية والقلتر
"الاسموكس فن من فنون الديكور والمفروشات
*الديكور والستائر والمفروشات
*صناعة الورود من شرائط السيتان
*صناعة الجبنة المضفرة والموزريلا والريكوتا
*تعليم الجبنة البيضاء
*تعليم صناعة المش والزبادى
*الخبايز الفطائر
*صناعة الايسكريم
ت:0911760766
//0929142299
موقعنا الخرطوم السجانة شارع الحرية جنوب المولد وشمال البرج الماليزي...
*الرسم على الزجاج والاوانى المنزلية
*المصنوعات الجلدية"احذية وشنط"
*دبلوم الخياطة والتفصيل
*تعليم فنون الحنة السودانية
*الفيشل والمكياج المتخصص"تاءهيلك لخبيرة"
*التصفيف والربطاط وفن التساريح "تاءهيلك لخبيرة"
مناهجنا منهج قوى جدا للتعليم مع نخبة ممتازة من الأساتذة المتخصصين فى مجالاتهم